Verkamenn

Starfsgreinasamband Íslands (SGS) er landssamband verkafólks. Innan SGS eru 19 verkamannafélög um allt land. Hvert og eitt þeirra er með kjarasamning við Samtök atvinnulífsins en í kjaraviðræðum eru þó tvö stór samflot félaga. Annars vegar Flóabandalagið (Efling, Hlíf, VSFK og Stétt.Vest) og hins vegar öll önnur félög SGS. 

Nálgast má samningana hér til vinstri.

SA gera aðalkjarasamninga við Flóabandalagið annars vegar og samflot SGS félaga hins vegar. Þeir ná til allra starfa verkafólks sem ekki falla undir aðra kjarasamninga. Sem dæmi um starfsgreinar sem falla undir aðalkjarasamninginn er fiskvinnsla, ræsting, mötuneyti, iðnaður, byggingastarfsemi, jarðvinna og flutningar. Nokkur aðildarfélög SGS eru með gild sérákvæði sem ekki eru birt í útgáfu SA og SGS.

SA gera einnig kjarasamning vegna veitinga-, gisti-, þjónustu- og greiðarsölustaða, afþreyingarfyrirtækja og hliðstæðrar starfsemi. Annars vegar er um að ræða svokallaðan "veitingasamning" SA og Eflingar og VSFK og hins vegar "greiðarsölusamning" SA og SGS. Veitingasamningurinn nær einnig yfir félagssvæði Hlífar en Stéttarfélag Vesturlands, sem nú á aðild að Flóabandalaginu, fellur undir greiðarsölusamning SGS.

Var efnið hjálplegt?

Þakka þér fyrir þitt álit.
Það væri gagnlegt að vita meira um hvað þér finnst.

Hjálpaðu okkur að bæta vefinn með því að gefa þitt álit á efni hans.